28 Jun 2013 Uztailak 6, 7 Petit Pic Midi d´Ossau (2.807 m) igoera eta Sialako (Gourette) via ferrata
Uztailak 6, 7 Petit Midi eta Sialako ferrata
 |
Uztailka 6, 7
Petit Pic Midi d´Ossau (2.807 m) igoera eta Sialako (Gourette) via ferrata
Arrastaka Mendi Taldeak uztailaren 6 eta 7rako irteera antolatu du. Irteera honetan ekintza ezberdinak aurrera eramango ditugu: alpinismoa eta via ferratak.
Larunbatean, uztailak 6 , Petit Pic Midi D´ossau-ra igoko gara (2.807 m), eta igandean, ekainak 8, Gouretteko eski estazio ondoan dagoen Sialako via ferrata egingo dugu.
 |
Midi D´ossau zoragarria Frantziak pirinioan dago, eta bere 2.885m-ekin ia Pirinio guztitik ikus dezakegularik, mendizale askoren jo puntu bihurtzen zaigu. Alboan dago Petit Pic Du Midi d´Ossau (2.807 m.), eta orratz handi bat da, gailur nagusitik Foruche izeneko arrakalak bereizia. Senderismoa soilik egiten dutenentzat ez da igoera egokia; goimendirako eta trepadarako esperientzia eskatzen du, eskalada izan litekeenaren mugan baitago.
 |
 |
|||||||||||||||||
Mendi honetatik bistak zoragarriak dira.
Igandea Sialako ferratarako utziko dugu. Via ferratak, eskalada bideak dira, baina igoerako elementu laguntzaileak dituztenak (eskailera, klabijak, kateak, zubiak…), horrez gain eta segurtasunagatik kableak ere egon ohi dira. Sialako paretetatik gora tirolinak, tibetar zubiak eta paretatzar bati aurre eginaz egingo dugu bidea.
 |
Bi ekintza hauek zailtasun erdi/handikotzat jotzen ditugu, fisikoki nola mentalki asko eskatzen duten ibilaldiak baitira.
Irteera honetan parte hartzeko interesatuta daudenak, Iturrioz kaleko (Urbieta Etxea parean) Ehunmilak-Arrastaka lokalean egingo den bilerara azaldu beharko dute, ekainaren 2an, asteartean arratsaldeko 7,30etan, irteerako xehetasunak zehazteko eta zalantzak ebazteko. Informazio gehiagorako, gure web orria, www.arrastaka.net, bisita dezakezue edota 646 855 620 tfnora deitu egun eta ordu berdinean.
 |
Oharra: Irteera honetan parte hartu ahal izateko derrigorrezkoa da mendiko federatu txartela izatea.