2014 Urriak 25. Aldamin (1.373 m), Lekanda (1.305 m) ekialdeko ertzetik eta Gorbeia (1.482 m.)
15707
post-template-default,single,single-post,postid-15707,single-format-standard,bridge-core-3.0.1,qodef-qi--no-touch,qi-addons-for-elementor-1.6.1,qode-page-transition-enabled,ajax_fade,page_not_loaded,,qode-child-theme-ver-1.0.0,qode-theme-ver-28.7,qode-theme-bridge,disabled_footer_bottom,qode-wpml-enabled,wpb-js-composer js-comp-ver-6.8.0,vc_responsive,elementor-default,elementor-kit-18001
 

2014 Urriak 25. Aldamin (1.373 m), Lekanda (1.305 m) ekialdeko ertzetik eta Gorbeia (1.482 m.)

10 Feb 2014 Urriak 25. Aldamin (1.373 m), Lekanda (1.305 m) ekialdeko ertzetik eta Gorbeia (1.482 m.)

Posted at 17:06h in Ekimenak-memoriak by

Aldamin (1.373 m), Lekanda (1.305 m) ekialdeko ertzetik eta Gorbeia (1.482 m.)

Urriaren 25 eta 26ko asteburuan Bizkaiako mendietan ibili gara. Uda giroko tenperaturak eta udazken-kolore zoragarriek lagundu digute asteburu osoan eta beraz, ahalik eta etekinik handiena ateratzen saiatu gara gutxitan tokatu ohi den halako asteburuari.

 

Larunbatean Gorbeialdean izan ginen Arabako lurretatik abiatuta, Muruako harrobitik (700m) hain zuzen. Iparralderantza doan pistari heldu genion eta pagadi zoragarrien artetik Mairulegorretako koba aldera zuzendu ginen. Zoritxarrez ordea, oharkabean atzera utzi genuen eta Dulauko lepora (1154m) jarraitu genuen belardi zabal bateko bidezidorretik. Eskuinean genituen Mairuen Haitza (1288m) eta Aldamin (1373m) eta ezkerraldean urrunago berriz Gorbeia (1482m). Zailtasun nabarmenik gabeko (I eta II graduko pausu batzuk) ekialdeko ertzean gora egin genuen Aldamingo gailurra zapaldu arte. Harrespila handi batek apaintzen du mendi honen tontorra. Gainera igo eta argazki bat ateratzeko gonbitea ia ekidin ezina da. Urrunean hurrengo helburuaren ertza ikusten genuen: Lekanda. Mokadutxo bat egin eta denbora gehiegi galdu gabe Arrabako zelaietarako jaitsierari ekin genion. Lekuozko iturrian eztarriak eta aurpegiak freskatu eta berehala ginen Arraban. Hemendik, Pagomakurrera doan pista eskuinaldera utziz, bidezidorrean gora egin genuen Lekandako mendebaldeko ertzaren hasierara iritsi arte. Ertz honek ere ez du zailtasun nabarmenik, II+-ko urratsen bat gehienez ere. Ohartzerako gailurrean ginen (1309m). Gorbeia aldeko mendiez gain, urrunagoko hainbat mendiren eta Itxinako ingurune karstikoaren paisaia ikusgarriak egin zigun ongi etorria. 

Beste mokadu bat jan eta alboan ikusten genuen Igalirrintza (1304m) menditik igaroz berriz ere Arrabarako jaitsierari ekin genion eguneko azken gailurra aurrez aurre genuela: Gorbeia (1482m). Arratseko orduetan ez zebilen goizean adina jende baina hala ere giroa paregabea zen. Berriz ere Lekuozko iturriari bisita eginez azken goranzko aldapari heldu genion tontorra zapaldu arte. Hemendik aurrerako jaitsiera belardi, garo eta pagadi artean egin genuen berriz ere Muruako harrobiarekin topo egin arte..

Argazki guztiak hemen aurkituko dituzu

 

 

 

 
 
Print page