15 Oct 2014 25-26 Urria Lekanda (1.305 m) ekialdeko ertzetik eta Gorbeia (1.482 m.)
Lekanda (1.305 m) ekialdeko ertzetik eta Gorbea (1.482 m.)
 |
Lekanda (1.305 m) ekialdeko ertzetik eta Gorbea (1.482 m.)
Urriaren 25 eta 26an Arrastaka Mendizale Elkarteak Gorbeialdera irteera bat antolatu du, bi ekintza egiteko asmoz: Lekanda mendia ekialdeko ertzetik igotzea, eta Itxinatik barrena Gorbeiara igotzea. Gorbeia Bizkaia eta Arabaren arteko mugan dago, eta inguru horretako mendi nagusia da. Bere basoekin, belardiekin, gune karstikoekin eta leizezuloekin, mendizaleentzat gune paregabea da, eta inguru horretako mitologiaren erreferentzia nagusia.
Larunbatean, urriaren 25ean, Lekandara (1.305 m) igoko gara ekialdeko ertzetik. Itxina inguruko gailurrik garaiena da Lekanda, eta ekialdeko ertza gainera iristeko biderik dotoreena. Ertzak ez du zailtasun tekniko berezirik, II graduko guneak bakarrik, eta kontuz ibilita ohiko mendizaleak igotzeko moduko bidea da.
Igandean, urriaren 26an, Itxinatik barrena Gorbeia mendira igoko gara. Itxinako gunea Gorbeia inguruko gune berezi eta erakargarri bat. Behera erori den kare harrizko ingurune bat da, aldenik aldearrakala handi batek zeharkatzen duena. Kare harriak eta pagoek kontraste paregabea egiten dute. Itxina zeharkatu ondoren Gorbeiara igoko gara, zailtasunik gabe, esker oneko ibilbidea osatuz.
 |
 |
 |
Irteera honetan parte hartzeko interesatuta daudenek, Iturrioz kaleko (Urbieta Etxea parean) Ehunmilak-Arrastaka lokalean egingo den bilerara azaldu beharko dute, urriaren 21ean, asteartean, arratsaldeko 7,30etan, irteerako xehetasunak zehazteko eta zalantzak argitzeko. Informazio gehiagorako, gure web orria, www.arrastaka.net, bisita dezakezue edota 646 855 620 tfnora deitu egun eta ordu berdinean.
Oharra: Irteera honetan parte hartu ahal izateko derrigorrezkoa da mendiko federatu txartela izatea.