09 Feb 2016 apirilak 16 eta 17.Eskaladarako oinarriak lantzeko jardunaldi teknikoak
Posted at 16:25h
in Ekintzak
Eskaladarako oinarriak lantzeko jardunaldi teknikoak.
Eskaladarako oinarriak lantzeko jardunaldi teknikoak.
Arrastaka Mendi Taldeak, aurtengo plangintza oparoaren barnean, eskaladako oinarriak ezagutzeko jardunaldi tekniko batzuk antolatu ditu apirilaren 13-14 eta 16-17rako. Apirilaren 13-14an, arratsaldeko 7etan, Ehunmilak-Arrastakaren lokalean teoria eta praktika uztartuko dira, eta aste bukaeran (apirilak 16-17) Eginoko (Araba) eskalada eskolan praktikak egingo dira.
![]() |
Eskalada ekintza erakargarria eta zirraragarria da, baina arrisku puntu bat ere izan dezake, eta benetan disfrutatzeko eta segurtasunez ibili ahal izateko, eskaladarako material desberdinak eta segurtasuneko teknikak ezagutzea ezinbestekoa da,
![]() |
Apirilaren 13 eta 14an, alderdi teoriko/praktikoa lantzen denean, hasieran jardunaldien aurkezpena egingo da, eta erabili beharreko material desberdinak (sokak, aseguratzeko materiala, arnesak, mosketoiak, etab.), korapilo mota desberdinak, eta eskaladarako segurtasun neurriak ezagutuko ditugu.
|
|
|
|
|
![]() |
Apirilaren 16 eta 17an Eginoko eskalada eskola politera joango gara, praktikak egitera; gure soka-laguna nola aseguratu, segurtasun protokoloak praktikatu, bilguneak egin, rapelatu. Horrela, harkaitzean segurtasunez eskalatzeko oinarrizko teknikak landuko ditugu.
Jardunaldi honen helburua, eskaladarako edo irteeretarako beharrezko diren segurtasun neurriak erakustea da, bai Arrastakarekin mendi irteerak egin ohi dituztenei, bai interesa duen beste edonori.
Irteera honetan parte hartzeko interesatuta daudenek, Iturrioz kaleko (Urbieta Etxea parean) Ehunmilak-Arrastaka lokalean egingo den bilerara azaldu beharko dute, apirilaren12ean, asteartea, arratsaldeko 7,30etan, irteerako xehetasunak zehazteko eta zalantzak argitzeko. Informazio gehiagorako, gure web orria, www.arrastaka.net, bisita dezakezue edota 646 855 620 tfnora deitu egun eta ordu berdinean.
Oharra: Irteera honetan parte hartu ahal izateko derrigorrezkoa da mendiko federatu txartela izatea.
|