03 Jul Peña Telera (2.764 m) eta Peña Foratata (2.321 m) mendietara igoerak.
Uztailaren 16an eta 17an pirinioetako Partacua mendizarrara (Huesca) eta Formigal goialdera joango da Arrastaka mendia taldea pirinioetako bi mendi ikusgarri igotzera: Peña Telera eta Peña Foratata.
Larunbatean, 16an, Peña Telerara (2.764 m) igoko gara. Peña Telera Tena bailarako mendirik esansguratsuenetakoa da ezbairik gabe. Altuena ez den arren, Partacua mendizerrako tontorrik ezagunena da. Bailaran sartzean arreta lehenbizi deitzen duen eta joaterakoan agur esaten duen mendi horixe da. Aukeratu dugun ibilbidea “ohikko igoerakoa” da, ipar aurpegitik. Izaera oso alpinoa duen mendia da. Jaitsiera hego isurialdetik egingo dugu Santa Elenako aparkalekuraino.
Igandean berriz, 17an, helburua Peña Foratata (2.321 m) dotore eta panoramikora igotzea izango da. Formigala gerturatuz gero ezinezkoa da begirada lerro bertikalak dituen haitz puska bakan horretatik saihestea. Ikaragarria bezain dolomitiarra, Sallent de Gállegoren gainaldean dagoen faro handi baten gisara. Hori da Peña Foratata, igotzeko bide errazik ez duen mendi ikusgarria.
Zailatsun teknikoa: Bi jarduerak dira zailatsun handikoak fisikoki nahiz teknikoki. Izan ere, goi mendiko ingurunean ibili beharreko igoerak dira biak ere, eta horrez gain, eskaladakako ezagutzak izatea ere ezinbestekoa izango da. Era berean, biak dira mendi zoragarriak.
Irteera honetan parte hartzeko interesatuta daudenek, Iturrioz kaleko (Urbieta Etxea parean) Ehunmilak-Arrastaka lokalean egingo den bilerara azaldu beharko dute, uztailaren 12an, asteartea, arratsaldeko 7,30etan, irteerako xehetasunak zehazteko eta zalantzak argitzeko. Informazio gehiagorako, gure web orria, www.arrastaka.net, bisita dezakezue edota 646 855 620 tfnora deitu egun eta ordu berdinean.
Irteera honetan parte hartzen dutenak Arrastakaren irteeren araudia onartzen dute.
