20 Dec JARDUNALDI TEKNIKOAK 25-01-11 eta-12an
Goi-mendian ibiltzeko hastapen ikastaroarekin hasiko ditu jarduerak Arrastaka Mendi Taldeak
Gabonetako oporren ondoren, abian da Arrastaka Mendi Taldearen jardueren egutegia. Goi-mendian ibiltzeko hastapen ikastaroarekin emango dio aurten hasiera. Batetik, urtarrilaren 8 eta 9an atal teoriko/praktikoa izango da Ehunmilak-Arrastakaren lokalean arratsaldeko 19:00etan eta bestetik, urtarrilaren 11 eta 12an atal praktikoa landuko da Pirinioetan.
Saio teoriko/praktikoan (urtarrilaren 8 eta 9an) jardunaldien aurkezpena egingo da, erabili beharreko tresna ezberdinak ezagutuko (kranpoiak, pioleta, botak, arnesak, mosketoiak, sokak, etab) eta goi mendiko oinarrizko segurtasun neurriak ere ikusiko ditugu.
Saio praktikoan, urtarrilaren 11-12an, pioletaren eta kranpoien erabilera landuko ditugu, malda elurtuetan eroriz gero nola gelditu, ainguraketak nola egin eta elurretan nahiz izotzetan nola aseguratu.
Jardunaldi hau Arrastakarekin irteerak egin ohi dituztenei zuzenduta dago gehienbat, elkarteak neguan egiten dituen irteeretan beharrezkoak diren ezagutzak jasotzeko, baina era honetako ezagutzak izan nahi dituen eta goi-mendia deritzon jarduera polit honetan hasi nahi duen beste edonorentzat ere irekia da.
Ohar garrantzitsua: Arrastaka Mendi Taldeak antolatutako datozen neguko irteeretan parte hartzeko ezinbestekoa izango da goi-mendiko ikastaro hau egina edukitzea.
Jarduera honetan parte hartzeko interesatuta daudenek, Iturriotz kaleko (Urbieta Etxea parean) Ehunmilak-Arrastaka lokalean egingo den bilerara azaldu beharko dute, urtarrilaren 7an, asteartea, arratsaldeko 7,00ean, irteerako xehetasunak zehazteko eta zalantzak argitzeko. Informazio gehiagorako, gure web orria, https://arrastaka.net , bisita dezakezue edota 646 855 620 tfnora deitu egun eta ordu berdinean.
Oharra: Irteera honetan parte hartu ahal izateko derrigorrezkoa da mendiko federatu txartela izatea.
Arrastaka klubeko 2025ko jardueren egutegia dagoeneko eskuragarri dago gure webgunean.
Irteera honetan parte hartzen dutenak Arrastakaren irteeren araudia onartzen dute.
