10 Jun Estasen korridoretik igoera Anetora (3.404 m).
Arrastaka Mendi Taldeak Aneto igotzeko irteera antolatu du ekainaren 15 eta 16rako.
Senartatik abiatu eta Vallibiernatik igoko gara Anetora. Arrantzaleen aterpetxean egingo dugu lo. Hurrengo egunean goizean goiz jeiki eta gorantz joko dugu. Coronasko iboiak gurutzatu eta goraxeago Estasen kanal ezagunera egingo dugu, elurtutako korridore esanguratsua, 45 zein 50º raino ere iristen den maldarekin. Bertatik ertz ikusgarri batera iritsiko gara eta ezkerraldetik aurrera eginez Anetoren gailur dotoreraino “3.404m” gidatuko gaitu, Pirinioetako gailurrik garaienera hain zuzen. Jaitsierako bidea berriz, tontorra bezain ezaguna den “Mahomaren pasartetik” egingo dugu.
Goi-mendiko irteera honetarako maila altuko baldintza fisikoak eta maila teknikoa behar dira. Hargatik, irteera honetan parte hartu nahi dutenei honako betebeharrak eskatzen zaizkie: neguko mendizaletasunean esperientzia izatea, pioletaren eta kranpoien erabilerarekin ohituta egotea, elurtutako ingurunean segurtasun tekniken ezgautza eta sokaren eta korapiloen erabilerarekin praktika izatea.
Irteera honetan parte hartzeko interesa dutenek Ehunmilak-Arrastakaren lokalean egingo den bilerara etorri beharko dute, Iturriotz kalera (Urbieta Etxearen parean) ekainaren 11an, asteartea, arratsaldeko 7,30ean, irteerako detaileak zehaztu eta zalantzak argitzeko. Informazio gehiagorako gure webgunea bisita dezakezue www.arrastaka.net, edota honako telefono zenbakira deitu egun eta ordu berean: 646 855 620
Oharra: Irteera honetan parte hartu ahal izateko derrigorrezkoa da mendiko federatu txartela izatea.