05 Dec 2018 abenduaren 15 eta 16 Zirkularra Urdaibaiko Ereserban
Durango – Gernika zeharkaldia (GR-38) eta ibilbide zirkularra Urdaibaiko Erreserban.
Durango – Gerniko zeharkaldia (GR-38) eta ibilbide zirkularra Urdaibaiko Ereserban.
Arrastaka Mendi Taldeak 2018ko azken ekintza bezala, etxe inguruko parajeetan egino du hurrengo irteera, abenduaren 15-16ko asteburuan. Irteera, Bizkaiko lurretan burutuko da. Larunbatean, “Ardoaren eta Arrainaren Ibilbidea” deritzon ibilbideko (GR-38) etapa bat egingo dugu: Durangotik Gernikarakoa. Igandean berriz, Bizkaiko kostaldeko altxorretako batean, Urdaibaiko Erreserberan inguruetan, ibilaldi zirkular bat.
 |
“Ardoaren eta Arrainaren Ibilbidea”, Oiongo mahasti-lurraldeetatik Ondarroaraino luzatzen den 166 km-ko ibilbidea da, normalean 8 etapatan banatua. Garai bateko mandabideak, gure arbasoen historiaz gain askotariko paisaia liluragarriak ezagutzeko parada eskaintzen du. Larunbaterako, hilak 15erako, aukeratu dugun etapa Durangotik Gernikara doana da. 26 km-ko luzera du eta Durangoko hiribildutik abiatuta, Bizkaiko baserriguneetatik igaroz Urdaibaiko Erreserba natural ikusgarriaren ateetaraino iritsiko gara, historia handiko Gernika udalerriraino hain zuzen.
 |
 |
 |
Igandean berriz, Urdaibaiko Biosferaren Erreserbaren lurretan murgilduko gara eta Laida hondartza ikusgarritik abiatuta ibilbide zirkular bat burutuko dugu. Urdaibaiko biosferaren ikuspegi ezin hobea eskaintzen duen Atxarreko San Pedro baselizara igoko gara lehenbizi. Ibarrangeluko Akorda auzotik igaroz, Ogoño mendira joko dugu. Mendi honek Lagako hondartza aldera duen mendebaldeko aurpegia, itsasoa ukituz dagoen 200 metro luzeko horma ikusgarria da, eskalatu ere egiten dena. Hemendik Lagako hondartzara jatsiko gara eta bertatik berriz ere Laidara itzulera. Aukera paregabea ia 20 km-ko ibilbide zirkularrarekin Euskal Herriko txokorik politenetako batekin gozatzeko.
Bi ibilbide hauek ez dute zailtasun berezirik baina distantzia luzeetan ibiltzera ohitua egotea gomendatzen da.
 |
 |
Irteera honetan parte hartzeko interesa duena, etor dadila abenduaren 11an, astartea,Iturriotz kaleko Ehunmilak-Arrastakaren lokalera (Urbieta Etxearen parean) arratsaldeko 7,30ean, xehetasunak zehaztu eta dudak argitzeko. Informazio gehiagorako gure webgunea bisita dezakezue www.arrastaka.net edota deitu bilerako egun eta ordu berean honako telefono zenbakira: 646 855 620
Oharra: Irteera honetan parte hartu ahal izateko derrigorrezkoa da mendiko federatu txartela izatea.
Irteera honetan parte hartzen dutenak Arrastakaren irteeren araudia onartzen dute.